رواية بقلم ميادة مأمون
المحتويات
تتكلم
مد رامي ايده ليها و هو واقف مكانه
يالا يا دينا عشان اوصلك
لاء انت مش زعلان مني و بتزعقلي اصلا مامي جات النادي و هاروح ليها و نروح سوي
حاولت اهدي الموقف بينهم وادي للأستاذ ده فرصه عشان يعرف يكلمها.
طب معلش لو بتعزيني بصحيح روحي معاه و اقعدو اتكلمو سوي قبل ما تروحي لمامتك
بشرط تديني رقم وعد آختك عشان آعتذر ليها هي كمان صحيح هي في مدرسة ايه
بس مش هديكي رقمها اصىل تليفونها ضاع و هاجيب ليها خط جديد.
ابتسم عصام بخبث لمعرفته تلك المعلومة التي تلاقاها من غير معناه
خلاص بقي يا دينا بطلي تآڤورى في المواضيع كده و يالا عشان نروح لمامتك
قومي معاه يا دينا و آنا هابقي اشوف ظروفي ايه و اشوف وقت مناسب تتعرفي علي وعد فيه
نخلاص ماشي سلام انا بقي
بتعملي ايه الساعة دي في المطبخ يا بت
بحمر بطاطس
حد يجوع في الوقت ده
آني مش جعانه بس قولت اتسلى يعني
طب اني بجي جعان و عايز آكل من يدك
و عايز تاكل من يدي ايه بجى الساعة دي
اي حاجة انشالله تكون حتة جبنه
المهم تكون من يدك
حتة جبنه قريش في صحن و معها رغيف عيش
ياااااه ههههه لساكي فاكره يا وعد دانتي كنتي صغيرة جوي يا بت
ههههههههه عشان اكده بتنديني باسم جدي
ابوي الشيخ حسن ياما كان بيجولي انك نسخه من جدك الديب الكبير
طب هاتي الوكل بقى الا انا جعان جوي
آنت بتتريج عليا مش اكده
لاء المره دي مش اكده بس انا حابب اكلمك بلهجتنا بيني و بينك آنما قصاد الناس هتكوني بنت
آمممممممم جولتلي بجي بس آنت رجعت بدري يعني النهاردة
حيرتيني معاكي يا وعد اخرج و آسيبك تزعلي آرجعلك بدري تستعجبي ارضيكي ازاي اني بجي.
دي حاجه بسيطه جوي يا ديب خدني معاك مكان ما تروح و اني ماسآلش و لا ازعل تاني.
هههههههه اهو ده اللي مش ممكن ابدا ثم قوليلي بقي انتي مش بتذاكري ليه
واه و هو اني هافضل طول اليوم اذاكر و بعدين اني في حاجات كتير جوي مش فهماها
لاااآ
واه فزعتني يا قاسم
آوعاكي اسمعك بتجولي الكلمه دي آنتي هاتكملي تعليمك لحد الكليه اي كليه مش مهم تكون من كليات القمه المهم تكوني مخلصة دراستك.
حاضر يا خوي بس انت ماتتعصبش على
رايح فين
خلاص شبعت و طالع انام و انتي من بكره تقوليلي علي اللي مش فهماه و آنا اذاكرهولك
طيب
مش هاتنامي
ماشي تصبحي علي خير
واه اول مرة مايجوليش اطلعي معاي
فاتو كام يوم و كانت كل آمورنا عاديه بس في يوم كانت هي في المدرسه و خرجت عشان تركب الباص بتاعها لكن سمعت حد بينديها قبل ما تركب
وعد يا وعد انسة وعد
في حاجه هو حضرتك تعرفني
طبعا ايه ده آنتي مش عرفاني و لا ايه
لاه اني ماعرفكش مين حضرتك
انا عصام صاحب اخوكي
اخوى!!!
اه اخوكي قاسم الديب
بس قاسم مش
مش ايه!
هاه لاه مافيش طب هو حضرتك عايز حاجه دلوك
دلوك!! يعني ايه دي
قصدي يعني حضرتك عايز ايه دلوقتي
لاء مافيش انا شوفتك بالصدفه فاقولت اسلم عليكي و نتعرف و آوصلك
بس انا مش بركب مع حد انا بروح في باص المدرسه
طب بصي هاتي تليفونك اسجلك عليه رقمي و لو عوزتي اي حاجه في اي وقت اوعي تترددي انا زي زي قاسم بالظبط
اه متشكرة اوي بس قاسم لو عرف بحاجة زي دي هايتعصب عليا و بعدين هو مش مخليني احتاج لحد
طب حتي لو نبقي آصحاب و نتعرف
يلا يا وعد الباص هايمشي
هاه لاء مش هاينفع عن اذنك اصحابي بيندوني
جريت من قصاده و ركبت الباص بتاعها
و وقف هو يراقبها بنظارته القڈرة
صعيدية بس طلقة بنت اللذينا
و بعد ما رجعت للڤيلا و آحنا قاعدين علي الغدا
قاسم
قاسم
بصيت ليها مجرد باصه بس حسيت انها خاڤت مني
نعم يا وعد عايزة حاجه
هاه لاه و آني هاعوز ايه
مالك قاعده بتفركي كدة ليه و مش علي بعضك انتي في حاجه مخبياها عليا
لاء و آنا هاخبي عنك ايه بس
طب كلي و قولي عايزة ايه
انا بس كنت عايزة اعرف انت ليه مش حابب تعلن جوازنا و معرف الناس كلها آنى آختك
و عايزة تعرفي ليه بقي و اشمعني دلوقتي عايزة تعرفي
هو مش من حجي آنى اعرف
لاه حجك بس اشمعني دلوقتي يعني
آصل حصلت حاجه النهارده و كنت عايزة اجولك عليها
آيواااة اهو انا مستني بقي تحكي عن الحاجه دى من الصبح
لاه لما تجولي الاول
ماشي هاجولك لآن ببساطة لو آعلنت جوازي منك جدام الناس اهنه هايخسرني آكتير جوي
واه ليه هو اني عار للدرجه دي
بصيت لها باصة رعبتها و لجمتها مكانها
آوعاكي اسمعك بتجولي الكلمه دي تاني آنتي لو عار كنت جتلتك و دفنتك و خلصت منك من زمان جوي
استني
متابعة القراءة
