مهمة حب بقلم ريحانة الجنة

بتتكلم و بتحاول تخلي نفسها رقيقه
بصلها پحده وقال ناهد 
ضحكت البت بتوتر و قالت بهزر يا أبيه ايه منهزروشي ولا اييه
مسكت جايده في أيده لما لقيتها قربت عليهم
مالك يا اختي كدا كابشه في أيده أكنش هاكلك و لا هاكلك
قربت من شريف و سألت بغباء
_هيا هتاكلني فعلا
لا دي بتهزر
انت بتبربرلها ليه يا أبيه ما تسيبها فاكراني هاكلك جرا ايه يا بت انتي محنشه في أيده كدا ليه
يا ناهد ابعدي عنها دي لسا راجعه مصر
باين يا اخويا باين ياحسرتك يا بت يا ناهد البت فاضلها فولت و تنور ياختي قشطه بيضا لسا متاخده من علي الوش
فتح شريف الباب و دخل جايده و هوا دخل
روحي يا ناهد أنا مش ناقص وش
دخل في الصاله و قعد بينما جايده لسا واقفه مش فاهمه حاجه
تعالي اقعدي
قعدت قصاده وهيا بتبص علي المكان ب استكشاف
إحنا هنقعد هنا لحد ما تهدي الاوضاع تمام
اومأت ب تفهم
_البنوته اللي برا دي كان قصدها ايه ب قشفه بيضه
قصدها قشطه دي زي Fresh cream يا جايده
اومأت
هشفلك هدوم تغيري هدومك لحد ما اجيب أكل تأكلي
اومأت بصمت وهيا بتبص حوليها
طلع برا البيت وهيا قامت تستكشف التحف و الاثريات الموجوده في البيت المكان رغم التراب و الزمن لسا شكله عريق و محتفظ بحلاوته شد انتباها تحفه من شجره الصندل العتيقه و ريحتها اللي معطره المكان رغم عمرها
قاطع تأملها في المكان دخول شريف 
خدي البسي دي
_ايه دا دي شبه اللي البت برا كانت لبساها
اسمها عبايه يا جايده دا لبس الأرياف لحد ما اجبلك هدومك
_ممكن لو سمحت تجيب ليا ميمي قطتي مش بعرف اقعد من غيرها
دا شكله هيقبي مرار طافح
خبط الباب لقي ام ناهد و ناهد و حسين البقال و ناس كتير داخله البيت
جايده خاڤت ليكونوا جايين يعملو حاجه فيهم ف استخبت ورا شريف 
مټخافيش مش هيأذوكي دول ناس مسالمه
الف حمدالله علي السلامه يا حضابط ليك سنين معتبتش الحته يعني يلا يا بنات نضفوا البيت للبيه
كتير والله دا يا جماعه كتير خيركم
مكتشر ولا حاجه يا أبيه كلو فضلت خيرك
يلا يا ناهد انتي و البنات نضفوا البيت زين
خلصوا و هاتي الاكل و حطيه يا ام عبير في المطبخ
كانت جايده قاعده جنب شريف و شايفه الطريقه اللي بيتعاملوا بيها
_هما دول بابا و ماما بتوعك
لا مش بابا وماما دول ناس جرانا من زمان
طيب ما تيلا يا حضابط شرفنا تحت لحد ما ينضفوا المكان
نزلوا تحت وجايده ماشيه جنبو باستغراب
مټخافيش مش هيأذوكي دول ناس طيبه
_انا مستغربه أنهم بيعملوا معاك كدا ليه
ود وحب و عشره
_مين دول
شويه ناس اعرفهم يا جايده اقعدي علي الكرسي
ها يا ابني ايه جابك علي ملئ و شك كداه
خد شريف الحج صالح و قعد يحكي معاه علي جنب بينما جايده قاعده بتبص ب إستغراب للبنات و الحريم اللي بصينلها
_اهلا أنا جايده
حبت تتعرف عليهم لقيتهم فتحوا كلهم يتكلمون معاها
ايه يختي الحلاوه دي
شكلها اجنبيه زي ما قالت البت ناهد
بصي علي لبسها يبت يا عبير
قوليلنا يا قمر تعرفي شريف منين
_ااه اعرفه عن طريق أنكل
يعني ايه أنكل دي يبت يا عبير
يعني فضلت خيرك يا سميحه جدها
العلام حلو برضو
_هوا انتو بتقولوا ايه مش فاهمه
تفهمي ازاي يختي ب رقه صوتك دي اكيد خطفتي قلب أبيه شريف إذا كنتي خطفتي قلبنا احنا يا موكوسه
متخطفش قلبه يا خطڤ قلبك يا صفيه قلبه ليا أنا ياختي
مكنش قصدي يا ناهد يا بنت خالتي خلصتي الشقه
خلصناها يختي
ضحكت جايده عليهم و علي طريقه كلامهم اللطيفه بالنسبه ليها انتو جمال
________________________________________
اول 
فضلت خيرك دي عنيكي يا اختشي
متتسهوكيش يا صفيه إحنا جمال فعلا هيا هتكدب يعني
جه شريف فا قامت ناهد و قالت بصوت رقيق
خلصت الشقه يا أبيه و الاكل علي الطربيزه أي حاجه تعوزها تاني
شكرا يا ناهد تعبتك معايا يلا يا جايده تعالي نطلع عشان ترتاحي و تغيريمشيوا و قعدت ناهد متغاظه مع البنات
بصو البت المسهوكه ماشيه لازقه فيه كيف
امال مين اللي رققت صوتها مش شويه عشانه
حتي وانتي عامله نفسك بصوت بنات صوتك شبه العرسه المخنوقه
عرسه أما تاكلك يا عبير اصلا أنا رقيقه و حنينه و ناعمه

خدي بالك بس انتي اللي مش عارفه فرقت ايه عنها يعني
الطموح حلو يا ناهد يا بنت خالتي الطموح حلو
دا انتو عكس بعض كيف السما و الارض
ليه يعني ولا عشان يعني هيا عينيها زيتي يعني هيقولول عليها حلوه
زيتوني يا جاهله
يكنش شعرها اللي عامل كيف شعر الحصان نايم علي الجنبين
اسمو شعر مسترسل يا جاهله
مفرقتش يا هاله دي اصلا كلها عمليات جميل
البت بسم الله الخالق فلقه قمر مفيهاش غلطه دا رباني
طب منا الفلقه التانيه من القمر علي فكره
يبت يا ناهد دي بنتور يابت شفتي ايديها انعم من مؤخره عيل صغير
اتعديتي منها ولا ايه يا عبير من امتا بنقول مؤخره احنا
قلت اتثقف شويه
انا طالعه انام بدل ميطقلي عرق
اما عند جايده و شريف دخلو البيت و هيا راحت غيرت هدومها و لبست العبايه اللي جابهالها كانت مبسوطه بيها
لو خلصتي يا جايده تعالي كلي
اوكي
طلعت من الأوضه وهيا ماسكه العبايه بفرحه طفوليه
_بص شكلها حلو إزاي البنات عندكم حلوين اوي ولبسهم حلو
تنح شويه وهوا بيبصلها بتتحرك بالعبايه في كل حته لحد ما فاق عليها وهيا قاعده قدامه علي السفره
_هوا ايه دا
دي عكاوي و طواجن لحمه ضاني
_ممكن اسال يعني ايه
الافضل لاء كلي وانتي مش فاهمه افضل
_هوا أنا هنام فين
بصي الاوضه دي هيا اللي هتنامي فيها
كلت و قامت تنام في الأوضه اللي جنب اوضه شريف وشريف راح نام من تعبت اليوم
سمع خبيط علي باب اوضته فتح لقيها جايده ماسكه مخده و حضناها
فرك عنيه ب نعاس
ايه يا جايده مالك
لو سمحت ا...أنا خاېفه انام وحدي
طيب انا اعمل ايه
م معرفش ممكن انام معاك
تنامي فين لمؤخذه
_معاك في اوضتك مش هعمل صوت
نعم!!!!
_ممكن انام معاك في اوضتك مش هعمل صوت
نعم!!!!
_مش عارفه انا وحدي فا ممكن تنام معايا
اه قلتيلي هيا مهمه منيله شكلي هتنقط
_ايه المشكله اني انام معاك
استهدي بالله تنامي معايا فين يا ماما
_ممكن انام علي الكنبه وانت علي السرير
طيب متشرحي يا جايده يا بنتي تعالي خلي ليلتك تعدي علي خير
نومها علي السرير و هوا نام علي الكنبه لقيها بتتقلب و منامتش
_شريف أنت صاحي
نعم
_ممكن اطلب طلب لو سمحت
قولي
_ممكن تحكيلي قصه
اتعدل بضيق و بصلها كانت نايمه ومطلعه رأسها برا الغطاء بترجي
قصه ايه يا جايده أنا مبعرفش اقول قصص
_خلاص اسفه
تمتمت ورجعت تنام لحد ما مرت ساعتين و هوا لسا حاسس بنفسها المش منتظم
اتنفس بضيق و حاول ينام ويسيبها
_شريف شريف اصحي أنا خاېفه يا شريف 
ايه يا جايده علي الصبح
_فيه حد بيخبط جامد علي الباب
دقيقه هشوف مين
راح لقي ام ناهد باعته مع ناهد الفطار طلعت جايده پخوف من جوا قابلتها ناهد وهيا عمال تتكلم مع شريف إلي نايم علي نفسه
بس يا سي شريف و قمت قايله لا أنا اللي اجبلك الاكل ب ايديا منتا طول عمرك بتحب تأكل من ايديا
بصت لقيت جايده لابسه عبايتها
وقالت ب حسرههيا مالها يا اخويا العبايه احلوت كدا مكانتش حلوه كدا عليا ليه روحي يخربيتك وانتي بتنوري في الضلمه عندك حق تحبها يا سي شريف 
قربت منها جايده و حضنتها ب فرحه شكرا يا ناهد علي العبايه شريف قال إنها بتاعتك 
حاولت تبصلها بقرف لكن صعبت عليها لما لقيتها طيبه كدا و قالت بصوت حاولت تخليه مضايقهمتشكرينيش ياختي دا انتي برضو ضيفتنا 
طبطبت عليها و شريف شايف جايده بتتعامل ازاي معاها بلطف
ا...احم أنا همشي يا أبيه فطار الهنا
_ناهد دي كويسه اوي
ايوه طيبه
_كل المصريين كدا طيبين و حلوين
لا مش كل الناس يا جايده متتعامليش مع حد غير لما تقوليلي
اومأت وهوا راح اتشطف و رجع لقيها قاعده علي الكنبه
انتي مفطرتيش ليه
_مستنياك مش بعرف أكل وحدي
طب يلا
قعدو ياكلو لقيها مش مركزه
انتي منمتيش باليل
اتحمحمت بكسوف وقالاسفه معرفتش انام م.....منغير قصه 
اومأ التاني و عمال يفكر ازاي دي المفروض عندها 22سنه ازاي بس
أنا رايح مكان هرجع علي اخر الليل هوديكي عند بيت ناهد تقعدي معاهم عشان متقعديش وحدك
_بس مش المفروض تستأذنهم افرض مرضيوش
لا متشغليش بالك
خدها وهيا مسكت أيده بتوتر خبط علي الباب وفتحت ام ناهد
يا ام ناهد هسيب عندكم جايده شويه لحد ما اخلص شغلي
قربت منو قوي پخوف لما شافت بنات كتير بصو من الباب مره واحده
احنا نفديك الساعه لما ست جايده تقعد معانا يا اهلا وسهلا يا بنتي ادخلي اتفضلي
قرب منها و همس متقلقيش دول ناس كويسه مټخافيش
شدت علي ايده پخوفه...هتتأخر انا معرفش غيرك 
طبطب علي أيدها بيطمنها
لا مش هطول لو احتجتي حاجه قولي ل ام ناهد
تعالي يا ناهد انتي و عبير خدو جايه معاكم
جات عبير خدتها و شريف اتكلم مع ام ناهد فهمها الوضع ب أختصار و أن جايده في خطړ خلا الست حزنت عليها
متخفش يا ابني دي في عنيا
عشان كدا سايبها عندك يا ام ناهد همش أنا بقي
عند عبير اللي دخلت جايده علي ناهد و البنات اللي متجمعين في اوضه كبيره بيتكلموا
ابيه شريف رايح مشوار و ساب جايه

معانا
اهلا يا بت الأجانب تعالي تعالي
ادخلي يا جايده
كانت مكسوفه منهم و مش عارفه تتعامل وهما قاعدين في دائره بيتكلموا
مالك ياختي متفرفشي كدا و تناخشينا
_ا أنا اسفه مش عارفه المفروض اعمل ايه
متعمليش حاجه يختي اقعدي شاركينا بتعملي ايه يختي
اتكلمت ناهد وهيا بتشدها من البنات لجنبها بس يا بنات مش متعوده علي الزريبه دي هيا براحه
_لا لا معنديش مشكله بس أنا مش عارفه ممكن اتكلم في ايه
البت فاطمه فرحها اخر الاسبوع و بنعمل ماسكات و حجات بنات كدا عشان نقبي بدر منور في الفرحعندك أي ماسكات زينه للبشره
قعدو يتكلموا معاها و يعودوها عليهم لحد ما اندمجت معاهم لحد اليل جه شريف خبط عليهم و استأذن ياخدها
اول ما شافته ودعت البنات و جريت مسكت في أيده زي الاطفال
عملتي ايه
_البنات لطاف خالص قعدنا نتكلم بس قالولي دي حجات بنات مينفعش نتكلم فيها مع واحد راجل سألتهم ينفع اتلكمت معاك قالولي لا أنت واحد راجل برضوا
اومأ و هوا بيبتسم و بيفتح الباب بتاع بيته
جبتلك شنطك
_شكرا خالص
مش عارف هتكفيكي لحد ما تمشي ولا لاء بس لو كدا ممكن تشتري اللي ناقصه من هنا
_هوا احنا هنطول هنا
ايه مش حابه المكان
_لادا لطيف الناس هنا حلوه طنط أم ناهد قعدت تأكل فيا وتقلي كلي يا بت انتي هفتانه ليه كدا رمي عضمك مش عارفه كان قصدها ايه بس كان أكلها حلو
ضحك عليها و حرك شعره ل ورا ب سخريه من اللي بيعمله و انو قاعد
________________________________________
يسمع حكاوي عيله بدل ما