قصة ملك الخدامة وعزيز بيه

و هو بيتذلل تحت رجلي عشان اسلفه فلوس عشان ياكل و أنا أرفض.. إن ما وريته مابقاش أنا ملك منصور.
هدى أنتي يا بنتي... أوووف.. أنتي هتفضلي كل شويه تسرحي مني كده ... ركزي معايا.
ملك حاضر
هدى..... ممنوع تدخلي اوضة عزيز بيه هو مش بيحب حد يدخل عنده خالص و كل فترة بيطلع عم عبدو ينضفها .
ملك حاضر.
هدى يالا شوفي شغلك ابدأي بالجنب اليمين من البيت و بعدها الجنب اليمين.
مشيت هدى و ملك بدأت شغلها.
بدأت ملك تنضف البيت كله لحد ما وصلت لاوضة بتبص على جناين القصر و وقفت تنضف الشباك .
جت تنزل السلم ماعرفتش و فجأة بقت متعلقة في شباك بتحاول تتمسك بيه عشان ما تقعش.
في نفس الوقت براا
كانت عربية سودة فخمة بتدخل من باب القصر و نزل منها عزيز بيه .
دخل لجوا بسرعه بس في طريقه لاحظ حاجة متعلقه في شباك مكتبه.
قرب لهناك بسرعه و ملك كانت خلاص مش لاقيه حل فوقعت بين أيديه .
ملك أاااااه
عزيز مش تحاسبي يل غبيه.
ملك رفعت وشها ليه و عزيز تاه في جمالها و ملامحها ... ملك كانت جميلة جدا.
عزيز أنتي مين 
ملك أنا مين ايه أوعى أيدك ده من عليا جاك قطع أيدك.
عزيز فاق من توهانه فيها و قال و الله ده إيه البجاحه دي يا بنتي أنتي.
ملك أنا إلي بجحه بردو ... شيل ايدك عني بدل ما أنت عمال تمسك فيا كده.
ملك و أنت مالك 
عزيز أيوه أنا مالي صحيح.. يمكن عشان ده بيتي و سيادتك كنتي متشعلقة في شباك اوضه من بيتي.
ملك أتصدمت و قالت في نفسها هو ده عزيز الغندور شكله أتغير خالص عن الصور بتاعت زمان... ده أنت أيامك كلها معايا هتبقى .....
جه صوت من وراهم يا عزيز بيه.. عزيز بيه .....الحق.
الراجل في مشكله كبيره في مصنع الإسمنت لازم تروح دلوقتي يا بيه
عزيز مشي بسرعه و راح يشوف ايه اللي حصل.
و ملك بدأت تاخد أنفاسها اخيرا بعد ما مشي ... حست أن رجليها دايبه مش شيلاها ... مشيت بصعوبه لحد جوا و بدأت تكمل شغل جوا البيت.
بعد مدة......
جه راجل كبير من وراها كان ملاحظها و هي بتشتغل فسأل بشك أنتي أول مره تخدمي في بيوت
ملك اتنفضت من صوته إلي فاجئها بصت وراها لاقت رجل كبير في السن.
و قال ما تخافيش.. أنت عمك عبدو الطباخ بشتغل هنا من زمااااان قوي.
بصت له ملك بتركيز و قررت أنها تاخد حذرها منه طالما بيشتغل هنا من زمان
عم عبدو ما جاوبتيش على سؤالي... أول مرة تخدمي
ملك ليه قولت كده
عم عبدو أهه .. أنتي من النوع إلي بيجاوب على السؤال بسؤال ... بس هقولك.. أصل طريقة تنضيفك بتقول إنك مش واخده على الشغل و المرمطة .. حاكم أنا ليا نظرتي بردو.
ملك بدأت ترتبك و كمان تضايق من الراجل ده..شكله مش سهل.
عم عبدو هدومك اتبلت و أنتي بتمسحي... روحي غيري أحسن تاخدي برد ..
سمع ساعتها صوت هدى بتنادي عليه فمشي و سابها
في اوضة صغيره مخصصة لملك .
دخلت و قفلت الباب وراها .. كانت تعبت من التنضيف.
لاقت موبايلها بيرن جريت ترد بسرعه
ملك الو... أيوه يا مجدي 
محدي هاااا سبع و لا ضبع
ملك سبع ايه و ضبع إيه يا مجدي هو انا لحقت 
مجدي ملك بقولك إيه.. فوقي معايا كده المناقصه هتخلص آخر الأسبوع فلازم تلحقي تسرقي الورق و بعدين أنتي ناسيه فرحنا إلي بعد اسبوع بردو و لا إيه يا هانم