الظلم ظلمات1

يا معاذ يا حبيبي
معاذ أنا نفسي في كبدة يا طنط
.....فايزه سمعته وحبت تكيد سلوى هيههي ..ما تيجي تاخدي له نص كبدة يا سلوى و لا مش معاكي.... يا معلم صابر.
....خرج المعلم صابر من جوا خير يا ست فايزة
....فايزة اوزن للسنيورة كيلو شغت. و لا حتة ماسورة تعمل عليها شوربة ... اهو أي زفر ...معلوم ..تلاقيها مش معاها حق اللحم.
سلوى بصت لها و أخدت معاذ ومشيت و فايزة بتضحك عليها شمتانة.
.....آخر النهار في بيت رشدي كانت سلوى بتطبخ العدس على البوتاجاز لاقت الباب بيخبط.
خرجت تفتح.... عند الباب
.....اتفاجئت و هي شايفة المعلم صابر واقف قدامه و على كتفه فخدة عجل.
المعلم صابر العواف يا ست سلوى
سلوى يعافيك يا معلم خير .
....المعلم صابر كل خير ... ده فخدة عجالي طعمها زي الشهد أنا جايبها لولاد المرحومة و خصيمك النبي ما ترديني .
....سلوى لأ يا معلم أحنا معانا نجيب و الحمد لله أنا بس ساعتها ماكنتش عامله حسابي و...
.....المعلم صابر خصيمك النبي ما ترديني... هو أنتو أحسن مني عشان تعملوا الخير و أنا لأ و لا إيه.. و لا أنا مش أد المقام.
....سلوى مش القصد يا معلم بس...
....المعلم صابر ما بسش ...حلفتك برحمة الغاليين لا تاخديها ... و كل فترة ليهم مني زيها...سلام عليكم
....مشي المعلم صابر و ساب اللحمه و كيس كبير فيه كبدة .
....عند بيت المعلم صابر وقف فجأة لما شاف جاموسة ولاد اخت رشدي.
.....قال لنفسه مش دي الجاموسة إلي بيدورا عليها.. شكلها تاهت و جت وقفت هنا
نادى بصوت عالي على إبنه يا واد يا بركات ..ياولا.
خرج بركات من جوا بسرعه ايوه يا ابا...تعالى شوف ال حصل ...دى معجزه
....المعلم صابر في أي يا ولا ..خير
......بركات هو خير بعقل.. ده خير بالزوفة...اخدنا توكيل مصنع اللحمة يابا...هنعدي وهنبقى في حته تانيه.. الشركة الأجنبية وافقت
.....المعلم صابر أتصدم هاااااه... أنت بتقول ايه ياولا... ده إحنا هوا
و في حيتان مقدمة زيينا ..اتقبلنا إزاي.. أنت متأكد من إلي بتقولوا ده ياولا
....بركات أيوه يابا و عهد الله متأكد...هنبقى بشوات يابا.
.....المعلم صابر