الظلم ظلمات2

اللي بيجي ناحيه العيال احنا ما لناش دعوه ...بضاعه اتعرضت علينا اشتريناها و مشينا ....احنا بقى ما لناش فيه و حتى لو أنا هعرف إزاي لتصرف مع علوان لو حصل أي حاجة.
وائل مش عارف يابا ربنا يستر
....في القريه في بيت علوان ..في مكتبه
....قعد علوان قدام راجل و قال له ها يا عزت خلصت الورق و المخالصه و كل حاجه
عزت خلصت يا باشا بس معلش هتزود المعلوم حبتين
....علوان ليه يا سي عزت احنا مش اتفقنا على 20 باكو هتزودهم ليه إن شاء الله
....عزت يا باشا ده ده لعب في ورق كبير و مال يتامى و جاموسه و لو اتقفشنا هنروح في حديد فمش كثير عليا اما تزودهم خليك تخلص و تكت من هنا انا عارف انك مش ناوي تقعد
....علوان ماشي يا عزت مش خساره فيك بس تخلص لي كله قوام قوام... المشتري إداني نص الفلوس فاضل النص الثاني اول ما اخدهم منه هديك اللي انت عايزه
عزت ماشي يا عمنا حلال عليك سلام انا بقى
مشي عزت و بعدها خرج علوان قابل فايزه في الطرقه.
....فايزة بخبث ايه الاخبار يا علوان سمعت انك بعت كل المحصول في ايه يا اخويا ..ناوي تغير النشاط و لا ايه
....علوان لا بس زهقت بقى أنا مش بتاع زرع و قلع... قلت نكبر كده نشتغل على نظيف مش كده احسن و لا ايه... انا عايز اعمل لك هانم يا بت.
....فايزة ضحكت بسخريه هانم ههيههي..اه لا يا اخويا كثر خيرك فيك الخير و الله.. أما أنا يا علوان عامله لك طاجن ورق عنب بالكوارع انما ايه انت هتاكل صوابعك وراه
علوان الله ..الحقيني بيه بسرعه ده انا واقع من الجوع
حطت الاكل و قعد علوان على السفره 
و اكل كثير جدا لحد ما راح في النوم ما بقاش داري بالدنيا .
وفايزه اول ماحست بكده دخلت على طول على المكتب و قفلته عليها
.....في بيت رشدي
رشدي اتكلم و هو بيفكر و بعدين يا سلوى ايه العمل
....سلوى العمل عمل ربنا يا اخويا هنعمل ايه ربنا على الظالم و المفتري  ... الهي يا رب يجيب الحق العيال اليتامى دول و يحلها من عنده
.....رشدي الحال كده ما بقاش نافع اللي جاي على قد اللي رايح و العيال محتاجه مصاريف مش هنفضل ناخد من الخلق اللي جايين يساعدوا كده.... دي حاجه وحشه في حقنا برده و في حق العيال ..بقول لك ايه انا هدور على شغل ثاني
.....سلوى شغل تاني ازاي .. قصدك ثالث انت بتشتغل الصبح و بتشتغل بعد الظهر.. هتشتغل امتى تاني يا رشدي
....رشدي هشتغل ثالث و رابع و عاشر لحد ما ابقى مكفي بيتي و مكفي العيال الليتامي اللي في رقبتي دول
.....سلوى و الله انا حاسه ان ربنا هيعدلها و هيحلها من عنده اصل ربنا ده كبير قوي و شاهد و مطلع و عمره ما يسيب الظلم يتمادى ابدا.
....رشدي بص على العيال و قال صعبان عليا العيال اليتامى دول قوي... بعد ما كانوا صحاب ملك بقوا عايشين على الصدقة و الاحسان.
.....سلوى منه لله علوان...اللهي و أنت جاهي كل لقمة ياكلها بمال اليتامى دول تنزل ڼار حامي في مصارينوا قادر يا كريم.
بعد عدد ساعات كتيير
على السفره عند علوان .
.....كان قاعد على الكرسي و راسه مايله على السفره ..نام و هو قاعد مكانه قام من النوم مصډوم على صوت حمدان الصبي بتاعه
....حمدان يا علوان بيه...يا علوان