أخرة الصبر

بعد صبرها و تضحيتها السنين دي كل شوف حصل معاها إيه......
سومه ...10
تحت عماره طويله جدا و عاليه
كانت ليلى في التاكسي مستنيه امها و بتكلمها في التليفون
.....ليلى أيوه يا ماما يلا انزلي بقى انا بقى لي ساعه قاعده في التاكسي
.....وفاء مش نازله يعني مش نازله يا ليلى و المشوار ده انت مش هتروحي
......ليلى يا ماما يلا بقى استهدي بالله انا اصلا و الله العظيم رايحه بقدم رجل و بأخر رجل.. ده بدل ما تشجعيني
....وفاء يا بنتي بقى... خافي على صحتك... حرام عليكي .. كل يوم و الثاني عمليه ..عمرك و صحتك راحوا
....ليلى معلش يا ماما اهو الواحد بياخد بالاسباب.. يلا بس عشان ما نتأخرش بالله عليك يلا انزلي .. عايزه اعملها مفاجأه لماهر .

.....وفاء أستغفر الله العظيم يا رب.. اديني هلبس و هنزل اهو اما اشوف اخرتها ايه معاكي يا ليلى
.....بعد شويه نزلت وفاء و ركبت التاكسي مع بنتها و راحوا عند المستشفى
واقفوا قدام باب المستشفى في الشارع
ليلى ايه يا ماما وقفتي ليه تاني
.....وفاء يا بنتي فكري قبل ما تاخذي الخطوه دي ما شوفتيش البهدله اللي اتبهدلتيها كل السنين اللي فاتت دي جسمك مش هيتحمل ليه تعملي في نفسك كل ده
ليلى و هو انا قدامي حل غيره يعني يا ماما و انا ما عملتوش.. يلا تعالى معلش ..خلينا نصبر .
الصابرين على خير... انا حاسه ان المره دي و الله ان شاء الله ربنا هيعوضني
........وفاء يعوضك بأيه يا بنتي هو انت مش شايفه عمايل جوزك الفترة الأخيرة و بعدين معلش يعني هو فين جوزك من كل ده مشوار زي ده تروحيه لوحدك بقى دي تصرفات بالذمه
.....ليلى يا ماما انا اللي عامله كده و مخبيه عليه.. عايزه اعملها له مفاجأه ..نفسي ربنا يكرم كده و نفرح كلنا تعالي بس تعالي ان شاء الله ربنا هيكرمنا .
دخلوا هم الاتنين المستشفى عند الدكتور
في الأوضة عند دكتور
.......قعدت ليلى قدام الدكتور و هي بټعيط وبتقول له ازاي يعني يا دكتور ... ايه اللي حضرتك بتقوله ده يعني ايه بقى شبه مستحيل 
......دكتور مصطفى يا مدام ليلى انا قولت لحضرتك قبل كده انه صعب في الوقت الحالي حضرتك داخله على الاربعين .
......ليلى و فيها ايه يعني يا دكتور .. ما في ستات كتير بتحمل دلوقتي و تولد و ترضع عادي و هما فوق ال 40 .. يعني اروح اموت نفسي يعني و لا إيه
......مصطفى انا ما قولتش كده يا مدام... بس دول بيحملوا و يولدوا طبيعي... لكن حضرتك عايزه تعملي حقن مجهري في السن ده اكيد مش صح ابدا
.....ليلى هو ايه اللي مش صح ... ده انا جايه لأكبر مكان بيعمل حقن مجهري في البلد تقوم تقول لي كده
......دكتور مصطفى هو حضرتك يعني في حد هيقول للفلوس لأ ... اي دكتور هتروحي له هيبقى عايز يشتغل و ياخد منك فلوس على قد ما يقدر.. لكن انا مش هينفع اغشك و بقول لك الحقيقه حتى لو كانت صاډمة
.......ليلى و امها كانوا بيسمعوا الكلام و هما مصډومين خرجوا من عند الدكتور وهم بيعيطوا
في الطرقة في المستشفى
.......كانوا ماشيين في الطرقه و وفاء بتقول لبنتها وحدي الله يا ليلى ... وحدي الله مش كده
......ليلى انتي مش سامعه بيقول لك ايه يا ماما ... بيقول ان انا مش هقدر أخلف دلوقتي ... أنا بجد مش قادره أصدق.. يعني ايه يعني كبرت في السن
.....وفاء