حكايتي

و لا زعلانه و لا حاجه... ما فيش حاجه بس ما يصحش يعني نبقى عندك و تعملي كده... ده انتي كان ناقص تطردينا يا هناء.
هناء ماعلش حقك عليا انا موضوع مي و الثانويه العامه ده عاملي ضغط اعصاب... اقول لك ما تزعليش مني انا هنجيب الشاي بلبن بتاعي و اجي اشربه معاكي... اهو حتى اعمل هدوء لمي في البيت عشان تعرف تذاكر
هزت نادي راسها و قالت هقول ايه ما فيش فيكي فايده يا هناء ...ماشي يا ست تعالي انا مستنياكي.
في شقة نادية إلي كانت مودرن و راقيه زي شقة نادية بالظبط .
دخلت هناء ورا ناديه للصاله
ناديه تعالي يا هناء ... أتفضلي.
دخلت هناء و شافت ساره قاعدة و حاطه الأير بود في ودانها و الموبايل في أيدها.
بصت هناء لسارة و بعدين بصت لناديه و قالت ايه ده يا ناديه... ايه إلي بنتك بتنيله ده
ناديه اتخضت و سألتها إيه في إيه 
هناء بنتك قاعدة حاطة السماعات في ودنها و ولا على بالها.
ناديه فهمت غلط فزعقت في ساره ساره...شيلي السماعات دي من ودنك...ساره.
ساره اخيرا انتبهت أن في حد موجه كلامه ليها ..شالت السماعات وسألت في حاجه يا ماما.
ناديه مش شوفتي خالتك دخلت المفروض تقومي بسرعه تسلمي عليها.
وقفت ساره من مكانها و راحت بسرعه لعندهم سوري يا ماما.. سوري ياخالتو حقك عليا ما اخدتش بالي.. أزيك عامله إيه.
هناء سوري ايه و ما اخدتش بالي ايه.. يا حبيبتي انا قصدي إزاي سايبه مذاكرتك و قاعدة.
ضحكت نادية و قالت أنا داخله أعمل نسكافيه يا هناء اعملك.
بصت لها هناء پجنون و سابتهم ساره لما جالها مكالمة.
دخلت هناء المطبخ ورا نادية
في مطبخ ناديه...وقفت تغلي الميا و وقفت جنبها هناء.
هناء ايه ده إيه التسيب إلي انتي و بنتك فيه ده و أنتي إزاي شيفاها بتعمل كده و سيباها 
ناديه في إيه يا بنتي حصل إيه لكل ده ... أنا مش فاهمه أنتي متعصبة ليه
هناء بنتك قاعدة تسمع مزيكا و مشغله تيك توك.
ناديه و فيها إيه 
هناء فيها انها ثانويه عامه