حكايتي

...عقلك فوت يا هناء
اتدخلت ناديه و قالت يا جماعه استهدوا بالله ....اهدا يا جميل ...خلاص يا صلاح... تعالوا اقعدوا عندي في شقتي سيبوها دلوقتي تهدى
مشي صلاح و جميل مع ناديه و ساره بنتها.
في شقة ناديه.
خرجت من المطبخ و هي شايله الشاي و قالت
ناديه ما كانش حقك يا جميل تزعق لها كده بالهداوه كل حاجه تتحل
جميلي هي اختك خلت فيها هداوة... مش شايفه تصرفاتها و طريقتها
ناديه انا ما اتكلمت معاها و الله و قولت لها بلاش تاخد السنه على الحامي من اولها كده ...البنت ماريحتش من اول ما الدراسه بدأت ...انا مع ساره بتصرف غير كده خالص بصراحه ....بسيبها تذاكر وقت ما تحب تذاكر و تقعد وقت ما تحب تقعد.... احنا شغالين بالكيف مش بالكم ..... انا مش قاعده مستنيه اشوفها هتجيب كام و ما تجيبش كام ..و الله اللي تجيبه خير و بركه تدخل بيه أي كليه.. هي و نصيبها
جميل قولي لاختك بدل ما هي ممرره عيشت جوزها و مسوده عيشة بنتها معاها
ناديه استهدى بالله يا جميل استهدى بالله و انت يا صلاح اهدى شويه خلاص اهو كلها شهرين تلاته و الامتحانات تبدا و نخلص من الکابوس ده
صلاح ربنا يستر انا مش عارف الشهرين ثلاثه دول هيعدوا عليا ازاي انا تعبت خلاص و جبت أخري ...دي قربت تبيعني عفش البيت عشان مصاريف الدروس و الكتب إلي فوق الوصف.
ناديه كل حاجه هتتحل و الله اتفضل انت اشرب الشاي بتاعك ...اشرب الشاي انت كمان يا جميل و اهدى.
عدت الايام و لسه هناء على نفس طريقتها مع بنتها.
قبل الامتحانات بكام يوم.
في مطبخ هناء
كانت واقفه تحضر الغدا لاقت مي داخله عليها و هي بتتسند على الحيطه
هناء انتي ايه اللي خرجت من اوضتك... الامتحانات فاضله عليها يومين انتي المفروض تعملي معسكر في الاوضه
مي ماما انا دايخه جدا و عينيه مزغلله مش شايفه قدامي
هناء طيب انا هعمل لك دلوقتي كوبايه قهوه هتظبطك
مي بصوت ضعيف قهوه يا ماما قهوه تاني بقول لك تعبانه ....خديني وديني للدكتور اكشف