قصة جديدة لرحمة

شاء الله هتخفي و هيطلع الي عندك حاجه بسيطه
نجوى يا رب يا رب يا تقى... يسمع منك ربنا ..انا خاېفه قوي... مش متخيله لو طلع عندي حاجه وحشه انا ممكن اعمل ايه ..و ماما... دي كمان تروح فيها
تقى صلي على النبي يا بنتي و أرمي تكالك على الله .. ان شاء الله خير ما تقلقيش ..يلا كلي بقى يلا
فعلا نجوى بدأت تسمع كلام تقى و بدأت في اكلها
في الشارع قدام محل صغير بتاع ملابس
وقفت نهى مع صاحبتها تغريد بتقول لها ما لقيتيش يا تغريد غير الراجل ابو الكرش ده تشغليني عنده .. ده سمعته زي الزفت في الحته كلها و بسباص و عينه زايغة
تغريد ما هو ده اللي طالب شغل و مرتبه كويس.. اعمل ايه.. و بعدين يا حبيبتي عينه زايغه على نفسه.. اللي يجي ناحيتك ما تسكتيلوش.. احنا بنشتغل بشرفنا و بنجيب اللقمه بالحلال.. غير كده سيبي له الشغل و أمشي على طول
نهى ربنا يستر انا و الله لولا الحوجه ما كنت عتبت العتبه دي أبدا
تغريد أهو قسميتنا و راضيين بيها .. ادخلي يلا و إن شاء الله خير ما تقلقيش.. انا جنبك في المحل اللي هنا ده .. لو بس لمسك نادي عليا
راحت نهى دخلت المحل و حاولت انها تشتغل
جوا محل الملابس
كانت نهى واقفه ورا الفاترينا بتطبق اللبس لاقت صاحب المحل بيقرب عندها
سلطان إيه ... إيه الكلام يا جميل
نهى ايه جميل دي يا معلم سلطان ..اتكلم كويس انا اسمي مدام نهى
سلطان ايه معلم سلطان دي و مدام نهى انا أحب اما اتكلم مع حد يبقى باب الوصل بينا مفتوح .. يعني تقولي لي يا سلطان و أنا اقول لك يا نهى ايه رأيك
نهى لا يا معلم انا ما بحبش كده و الميري ما فيش احسن منه .
قرب سلطان منها و قال لها بقول لك ايه ما تسيبك من السكه دي و تعالي لي دغري كده.. هاااا باكو كويس
نهى أنت ايه يا راجل انت .. إيه اللي انت بتقوله لي ده... ازاي تكلمني كده .. أنا اللي غلطانه.. ان انا جيت اشتغل عند واحد ناقص زيك ...الكل حذرني منك بس انا اللي ما سمعتش الكلام
سلطان جرى ايييه....انتي هتعملي لي فيها شريفه اسمعي الكلام و تعالي كده سكه و دغري خلينا ناخد و ندي مع بعض بشكل ودي
نهى خاڤت و أترعبت و جريت على بره على طول و راحت على بيتها و هي بټعيط
عدت ايام وهي مش عارفه هتعمل ايه الشغل راحت تشتغله ما مشيتش فيه و الفلوس و الاكل اللي عندها خلصوا
بعد كام يوم كانت قاعده حاطه ايدها على خدها و مش عارفه تعمل ايه على الغدا بس كلها ثقه و إيمان في ربنا.. لقت باب الشقه بيخبط
نهى قوم يا علي افتح شوف مين
راح علي يفتح على الباب لقيته پيصرخ و بيقول بابا... بابا ..بابا جه يا ماما ...بابا جه
نهى ما كانتش مصدقه ...جريت على الباب و قالت ايه ده عادل انت رجعت ليه ايه اللي جايبك 
عادل ة ايه يا نهى مش هتقولي لي ادخل و لا انا ما بقا ليش مكان عندكم .
نهى لا مش القصد بس اصل يعني.. انا متفاجأه
عادل لا ما تتفاجئيش و لا حاجه.. ممكن ادخل
نهى اتفضل .. اتفضل يا اخويا بيتك و مطرحك .. اتفضل
في العياده عند الدكتور .
قعدت نجوى و هي حاطه