قصة جديدة لرحمة

انا عكشتها و خدت منها كل الفلوس اللي معاها ما تقلقيش
روحت نجوى البيت عند مامتها و هي فرحانه و مزقططه
نجوى ماما ..يا ماما تعالي يا ماما
هناء إيه يا نجوى في ايه خير... بسم الله ما شاء الله وشك فرحان يعني خير صح الدكتور طمنك مش كده
نجوى أيوه يا ماما طمني الحمد لله.. خير ..و أنا زي الفل ما فيش اي حاجه هي بس عمليه بسيطه
هناء ياما انت كريم يا رب... ياما انت كريم يا رب ... انا لازم اوزع حاجه لاهل الله و هذبح عجل .
نجوى ايوه ..ايوه يا ماما اعملي كده طبعا... و أنا كمان هطلع فلوس... انا طلعت و هطلع ثاني ..احنا لازم نعمل خير كثير ...ده طلع ان الخير ده بيقعد لنا احنا مش بيروح للناس احنا اكثر ناس مستفيدين من عمل الخير يا ماما
عادل اخذ نهى و العيال و وقفوا قدام العماره اللي كان ساكن فيها
نهى احنا ايه اللي جايبنا هنا يا عادل
عادل تعالي بس يا نهى هاتي العيال و تعالي
دخل بيها الشقه كانت جميله قوي العيال فرحوا بيها جدا و فضلوا يجروا في كل مكان ...كانت الوانها حلوه و ديكورها جديد و عفشها كمان
نهى ما ترد عليا يا عادل ايه اللي جايبنا هنا
عادل جايبكم هنا عشان ده بقى بيتكم خلاص .. البيت ده بقى بتاعك انتي و عيالك يا نهى ... أنا كتبته باسمك بيع و شړا ...عشان تضمني ان انا مش هقل بأصلي و لا أستندل معاكي تاني... يعني البيت ده بتاعك انتي و انا ضيف فيه لو قبلتي يعني ان انا اعيعش معاكم فيه
نهى بجد ..بجد يا عادل 
عادل غايوه طبعا دي اقل حاجه انتي تستحقيها نظير تعبك و شقاكي و صبرك معايا .. ده حقك انتي اولى بيه انت و العيال اولى كمان من اي حد غريب و اولى مني انا شخصيا ... أنا كنت معمي و بتصرف تصرفات عيال... بس خلاص انا عقلت و اعتبريه درس و أنا اتعلمته
نهى الحمد لله.. الحمد لله... ياما انت كريم يا رب ... الحمد لله